Jasna Krajinovic

Jasna Krajinovic li Slovenyayê hatiye dinyayê. Piştî ku li Fakulteya Felsefeyê ya Zanîngeha Ljubljana li ser wêjeya fransî û îngilîzî xwend, di sala 1992-an de dest bi xwendina xwe li Akademiya Tiyatro û Sînemayê kir û du salan li wir ma. Dûv re çû Brukselê, Belçîka, û li Enstîtuya Neteweyî ya Hunerên Performansê (INSAS) derhêneriya fîlmê xwend. Ji sala 1999-an, ku xwendina xwe qedand, xwe bi temamî da karê sînemaya serbixwe. Fîlmografya – Derhênerî 2002/03 – Saya & Mira Belgefîlm. Çîroka jinekî pîr û keçikek ciwan e ku piştî şerê Bosnayê her du li pey malekî û cihê xwe digerin. Fîlm bi hevkarîya Arte France hatiye hilberandin û li gelek festîvalên fîlmê yên Ewropayê hatiye nîşandan. 2006 – Two Sisters Belgefîlmek li ser xetera mayînên şerê li ser sînorê Kosovo û Albanya û li ser evîna kûr a du xwişkan. Ev girêdana wan hêz dide wan ku tirsên xwe derbas bikin. Fîlm li gelek festîvalên Ewropayê û herwiha li Kanada û Vîetnamê hatiye nîşandan û gelek xelat wergirtiye. 2008 – Damian’s Room Belgefîlm. Damian di temenê 15 saliyê de sûcek kir. Pênc sal şûnda, derhêner dîsa bi wî re hevdîtin dike û mehên dawî yên jiyana wî ya di girtîgehê de û mehên destpêkê yên jiyana wî ya azad dişopîne. Fîlm nêrînek kûr û rexneyî dide civaka Slovenyayê. Fîlm li gelek festîvalên Ewropayê hatiye nîşandan û çend xelat wergirtiye. 2012/13 – Summer with Anton Belgefîlm. Fîlm Anton, kurikek 12 salî li Rûsyayê, dişopîne ku betlaneya havînê ya xwe di kampek leşkerî ya ji bo zarokan derbas dike. Bi her hereket û tevgerê, zarok hêdî hêdî winda dibe û leşkerek tê avakirin. Fîlm li nêzîkî 40 festîvalên navneteweyî hatiye nîşandan û gelek xelat wergirtiye. 2016/17 – The Empty Room Belgefîlm. Sabri tenê 18 salî bû dema ku çû Sûriyê û malbata xwe di êş û xemeke mezin de hişt. Diya wî, Saliha, biryar dide ku li ser çarenûsa kurê xwe biaxive û tevbigere. Fîlm çîroka wê û ya malbatên din dişopîne ku bi hev re li dijî torên cihadî yên ku ciwanan îdeolojîk dikin û radîkal dikin, têdikoşin. Fîlm gelek xelatên navneteweyî wergirtiye. 2017 – My Daughter Nora Belgefîlmek kurt. Nora 18 salî bû dema ku tevlî komên cihadî li Sûriyê bû. Ji wê demê ve, diya wê di nav hêviya ku careke din keçika xwe bibîne û tirsa ku wê her û her winda bike de dijî. Fîlm du caran bi Special Mention hatiye xelatkirin û li seranserê cîhanê di gelek festîvalên fîlmê de hatiye nîşandan.